LP #25: KOMPYUTER KO

Si Haligilet, na tampok ng aking blog sa tuwina
Sa pagsusulat ko'y lagi ding kasama;
Kung iisipin mo'y lubos na nakakatuwa
Sana'y ang anak ko'y hindi magsawa.

At kompyuter nya...

Galing kay lolo itong bagong laruan
Para kay Haligilet sa kanyang ika-4 na kaarawan;
Subalit sa mura niyang isipan, paano maiintindihan?
Minabuti munang gamitin ni maver nang magabayan. (Hehehe!)

Ang kompyuter ko'y bahagi na ng aking buhay
Sa mga minamahal ay napakahalagang tulay;
Bagong kaibiga't kaalaman, nabibigyang kulay
O kompyuter ko, hulog ng langit kang tunay.

EKS-OH-EKS-OH

LP #24: PUTI AT ITIM

Pagmasdan mo itong itim at puting larawan;
Mahalagang susi sa ating makulay na kasaysayan.
Bitak-bitak man at makititid ang daanan
Alaala't kultura di mahihigitan ninuman.

Viva, Vigan!

EKS-OH-EKS-OH

LP#23: GININTUAN

O ginintuang pagibig
Pagpasok sa puso ninuman
Hahamakin lahat
Masunod ka lamang. :)

EKS-OH-EKS-OH

LP #22: PILAK

Sa umagang ito na kay ganda,

Dito sa Cebuanong paraiso aking nakita;
Bandehadong pilak, prutas, at iba pa,

Susi sa kalusugan, aking sinunggaban na.

EKS-OH-EKS-OH

LP#21: TANSO

Masdan ang kolesksyong ito ng aking Haligi

Inipon ng ilang taon, kung kaya't ganito karami.

Aking hinalungkat sa kanyang pagkakubli

ng sa Litratong Pino'y, ako'y makasali.

Rason ng pag-ipon, ito ang aking masasabi--
Pag kinulang ang turnilyo sa utak,
Instant reserba muli.
Mwahihi!

EKS-OH-EKS-OH

LP #21: AYAW KO

Ayaw ko, ani ng batang aking namataan

Sa kaaya-ayang lalawigan ng Vigan;
'Di lang isa, kundi kambal nung pagmasdan
Mga bula'y pinakawalan ng ako'y maiwasan.

EKS-OH-EKS-OH

LP#20: MITHIIN

Simpleng buhay lamang ang aking dalangin

Mga dasal ko, nawa'y inyong dingin;

Para sa mga mahal sa buhay, aking hiling

Maliwanag na kinabukasan, sana'y mapasa-amin.

EKS-OH-EKS-OH

LP#19: LIWALIW

Pagmasdan mo ang aking laruan

Malawak at luntian;

Kahit mukha ko'y walang kasiyahan

Langit ito sa aking isipan.

Tara na't tayo'y magliwaliw!

EKS-OH-EKS-OH

LP#18: AKO

Mundong aking ginagalawan

Inyo nang masisilayan;

Trabaho dito'y pinagsisikapan

Nang pamilya'y bigyang kabuhayan.

Ngunit sa isang banda

Tila tahimik at walang sigla;

Salamat sa 'king mag-ama

Kulay ng daigdig ay nag-iiba.

Ito ay ako.

Pagmasdan nyo.

EKS-OH-EKS-OH

LP#18: DALAMPASIGAN

Awit ng mga bangka

Nababalot sa katahimikan
Dito sa aking kinalalagyan;
Tubig sa paligid, iyong pagmasdan
Tila salamin, aninag ang aking larawan.

Padating na ang gabi
Subali't sige pa din ang ani;
Nang kasaganahan ng marami
Aking mapagbuti.

EKS-OH-EKS-OH

LP#17: KANLURAN

Tanawing ito'y aking namataan,

Nang kami'y pa-Subic, na gawing Kanluran;

Poong Maykapal aking naramdaman

Sa sikat ng araw na di pangkaraniwan.

EKS-OH-EKS-OH

LP#16: LUNTIAN

O Buri, ganda mo'y di malimutan

Alaala'y binabalik-balikan;

Taglay mong likas na kagandahan

Nakaukit sa 'king puso magpakailanman.

EKS-OH-EKS-OH

LP #15: BALINGKINITAN

Spotted in Camshyuuur...

Balingkinitan man ang aking katawan
Maskulado naman ang aking kakayahan;
Lakas at sigla kayang tapatan
Sinumang kalaban, di uurangan.

EKS-OH-EKS-OH

LP #14: TATAK PINOY

Isang larawan mula sa 2008 Ati-Atihan Festival sa Kalibo, Aklan...

Napakayamang kultura
Buhay sa 'ting bansa.
Sa kulay at saya
Walang nang hihigit pa!

EKS-OH-EKS-OH

LP #13: PAG-AARAL

Sa 'yong murang isipan
Hanap mo'y kaalaman;
Nawa'y isapuso ng tuluyan
Ang taglay mong kasipagan.

Anak, buhay nami'y ilalaan
Mapaganda ang iyong kinabukasan;
Karunguna'y di kayang tumbasan
Ng ano pa mang kayamanan.

Tuwa na sana ang Mommy sa 'yo
Sa pagbabasang ipinamalas mo;
Pero naku, hindi naman libro
Chismis pala, juice ko!

EKS-OH-EKS-OH

LP #12: ITAY

Tag-araw man o tag-ulan,
Pag-ibig namin sa yo'y walang hanggan;
Lakas at sigla, ikaw ang pinagmumulan,

Itay, susi ka ng aming kaligayahan.

EKS-OH-EKS-OH

LP #11: KALAYAAN

Ang mala-seldang lugar na ito ay aking namataan sa EK...

Kaligtasan sa kahirapan hangarin ninuman
Lunas nito'y abot kamay lamang;

Kaya't harapin mo ang araw ng buong kagitingan
Nang ang kalayaang asam ay tuluyang makamtan.

EKS-OH-EKS-OH

LP #10: PAG-IISANG DIBDIB

Patawarin at ito'y di ko kuha,
Singsing sa kamay ay ipit at nakatengga.
Bakit kamo? Dahil ako'y mashuba!
At oo, ako po si Marie Katrina. :)

EKS-OH-EKS-OH

LP #09: HANGIN

Ang "Hanging" Hangin...Bow

Ang tangi kong dalangin,

Sana'y iyong dinggin.

Kakayahan mo'y gamitin,

Hirap at init ay pawiin.

EKS-OH-EKS-OH

LP #8: TUBIG

San kami dadalhin ng iyong agos?

Paano na kami kung ika'y maubos?

Tunay kang nagbibigay buhay.

Dalangin ko'y tayo'y di magkawalay.

EKS-OH-EKS-OH